IAAFга 67 нафар россиялик атлет шахсий ҳисобда қатнашишга ариза беради

Виталий Мутко, шунингдек, худди шунча атлет ўзининг допингдан ҳоли эканлигини тасдиқлаш учун Спорт арбитраж судига ҳам ариза топширишини таъкидлаб ўтди.

Эслатиб ўтамиз, IAAF 23 июнь куни Олимпия ўйинларида иштирок этиш учун шахсий ҳисобда ариза берадиган спортчилар қандай талабларга риоя қилишлари лозимлиги тўғрисида маълумотнома эълон қилган эди. Унга кўра, ўзини допингдан ҳоли эканлигини исботлашни мақсад қилган спортчи тақиқланган дори воситаларини истеъмол қилмаган бўлиши, Россия ҳудудида тайёргарлик кўрмаслиги ҳамда хорижий допингга қарши кураш лабораторияларида текширувдан ўтишлари лозим.

Бутунроссия енгил атлетика федерацияси раҳбари Дмитрий Шляхтиннинг сўзларига қараганда, айни пайтда ушбу талабларга фақатгина Дарья Клишина (узунликка сакраш) жавоб берар экан.

IAAFга аризалар 4 июлга қадар топширилиши шарт.