15 дек 13:30
Янгиликлар

Бокс/ММА

IBA 2026 йил учун 55 млн доллар ажратади, 10 млн долларлик жамоавий жаҳон Кубоги ўтказилади

Умар Кремлёв бошчилигидаги Халқаро бокс ассоциацияси (IBA)нинг 155 аъзо давлатлар иштирокидаги Конгресси бўлиб ўтди ва унда режалар муҳокама қилинди.

Келаси йилдан эътиборан терма жамоалар ўртасидаги жаҳон Кубоги ўтказилади. Ҳар икки йилда бир маротаба ташкил этиладиган ушбу янги мусобақада ҳар бир миллий терма жамоа таркибида 7 нафардан боксчи бўлади. Жаҳон Кубогининг мукофот жамғармаси 10 миллион АҚШ долларидан иборат бўлади.

2026 йилда IBA миллий федерациялар, спортчилар ва мураббийларни қўллаб-қувватлаш, чемпионатларни ўтказишга кўмак тариқасида 55 миллион АҚШ доллари ажратади. Мусобақада қатнаша олишга имконияти йўқ боксчи ва мураббийларга молиявий ёрдам берилади.

Шунингдек, IBA боксни ривожлантириш йўлида имконияти кам федерацияларга 50 минг жуфт қўлқоп ва шлемлар тақдим этади.

"Биз IBA Boxing Game лойиҳасини ишга туширдик. Унда спортчилар ва мухлислар бокс усулларини ўрганиш орқали онлайн баҳслашишлари мумкин. Мақсадимиз - ҳар бир боксчи ҳамда миллий федерацияларни қўллаб-қувватлаш, боксни бутун дунёга янада танитиш", - дейилади IBA баёнотида.