18 июл 17:22
Янгиликлар

Бокс/ММА

IBA Олимпия ҳаракати тизимидан чиқишга ҳаракат қилади

Халқаро бокс ассоциацияси (IBA) Таиландда бўлиб ўтган директорлар кенгаши йиғилишида Олимпия ҳаракатидан чиқиш эҳтимоли бўйича ички муҳокамани ўтказди, деб хабар бермоқда Inside the Games нашри.

Манбага кўра, IBA раҳбари Умар Кремлёв ҳам ушбу масала юзасидан бир неча шахсий учрашувлар ўтказган.

"Бугун бокс учун бурилиш нуқтаси бўлмоқда, чунки биз спортнинг инклюзив глобал келажаги йўналишини белгилаймиз. IBA нима бўлишидан қатъий назар, олдинга қадам ташлайди. Биз бокс ва спортчиларимизнинг келажаги учун муҳокама қилинган барча жиҳатлар амалга оширилишини интиқлик билан кутамиз", - дея ассоциация раҳбари Умар Кремлёвнинг сўзларини келтиради IBA матбуот хизмати.

Эслатиб ўтамиз, аввалроқ ХОҚ IBA 2028 йилда Лос-Анжелесда (АҚШ) бўлиб ўтадиган Олимпия ўйинларида бокс мусобақаларини ўтказмаслиги ҳақида қарор қабул қилганди.