14 ноя 11:40
Янгиликлар

Бокс/ММА

IBF Усик учун мажбурий ҳимоя жанги белгилади

Супероғир вазнда учта асосий йўналиш чемпиони бўлиб турган Александр Усик учун мажбурий жанг белгиланди.

Кўпчилик украиналик жаҳон чемпионининг WBC камари соҳиби, британиялик Тайсон Фьюри билан жангини кутаётган бир пайтда IBF кутилмаган баёнот билан чиқди. Усик мағлубият ва муроса нималигини билмай келаётган хорватиялик Филип Хрговичдан IBF чемпионлик камарини ҳимоя қилиши шарт.

Хрговичнинг со-промоутери Эдди Хирн IBF ташкилотига мурожаат қилиб, ушбу жангни ташкил қилиш бўйича промоутерлик савдоларини тезлаштиришни сўраган. Филип даъвогарлар жангида Чжилэй Чжанни мағлубиятга учратган эди. Усик - Хргович жанги 2023 йилнинг февраль ёки март ойида ўтказилиши кутилмоқда.