“Ice City”да фигурали учиш бўйича фестиваль ўтказилди

Жисмоний тарбия ва спорт вазирлиги, Ўзбекистон ёшлар иттифоқи,қишки спорт турлари ассоциацияси, спортнинг қишки ва мураккаб техник турлари бўйича Республика олий спорт маҳорати мактаби ҳамда “Ice City” спорт-кўнгилочар мажмуаси билан ҳамкорликда ташкил этилган ушбу фестивалда қарийб 60 нафар ўсмир ва қизлар ўз маҳоратини намойиш этди.

Фигурали учиш бўйича Ўзбекистон чемпионлари, кўплаб халқаро турнирларнинг ғолиб ва совриндорлари иштирокидаги бадиий чиқишларни шу оқшом “Ice City” мажмуасига келган пойтахтимиз аҳолиси олқишлар билан қарши олди. Фестивал якунида ҳар бир иштирокчи ташкилотчилар томонидан диплом ва эсдалик совғалари билан тақдирланди.