Тошкент вилояти дзюдочилари Ўзбекистон Кубоги соҳиби!

Мусобақада мамлакатимизнинг барча ҳудудларидан келган жами 518 нафар (379 эркак, 139 аёл) дзюдочи 14 та (7 та эркаклар, 7 та аёллар) вазн тоифасида ғолиблик йўлида татамига чиқди. 

Икки кунлик беллашувлар якунига кўра, Тошкент вилояти жамоаси 3 та олтин, 2 та кумуш, 3 та бронза медали билан умумжамоа ҳисобида биринчи ўринни эгаллади. Самарқанд вилояти терма жамоаси ҳам 3 та олтин медалга эга чиқди, аммо улар кумуш ва бронза (1 та кумуш, 1 та бронза) медаллар нисбатига кўра иккинчи ўриндан жой олишди. Кучли учликка 2 та олтин, 1 та кумуш, 5 та бронза медали билан хоразмлик дзюдочилар якун ясашди. 

Қувонарлиси, Ўзбекистон Кубогининг ҳудудий 14 иштирокчисидан 13 таси камида битта бронза медалини қўлга киритди. Саккиз вилоят жамоалари сафида камида бир нафардан чемпион бўлди.