28 июл 16:24
Янгиликлар

Теннис

Ига Свёнтек Нигинадан сўнг Лиуни ҳам мағлуб этди

Польша пойтахти Варшава шаҳрида ўтказилаётган теннис бўйича WTA 250 тоифасига кирувчи турнирда 1/4 финал жуфтликлари маълум бўлди.

Сайёрамизнинг биринчи рақамли теннис маликаси Ига Свёнтек ўз ватанидаги турнир бош соврини учун асосий даъвогар бўлиб турибди. Польшалик теннисчи иккинчи даврада WTA рейтингида 78-поғонадан жой олган америкалик Клэр Лиуни ортиқча қийинчиликсиз мағлубиятга учратди - 6/2, 6/2.

Теннисчиларнинг ўзаро учрашувларидаги ҳисоб янада йириклашди - 4:0. Бир соату 37 дақиқа давом этган баҳсда иккала теннисчи ҳам биттадан эйс зарбасини амалга оширган. Энди Свёнтек ярим финал чиптаси учун чехиялик Линда Носковага қарши кортга чиқади.