25 апр 08:43
Янгиликлар

Теннис

Ига Свёнтек Штутгартни забт этди ва "Porsche"га эга чиқди

Германиянинг Штутгарт шаҳрида ўтказилаётган теннис бўйича нуфузли WTA турнири якунига етди.

Сайёрамизнинг биринчи рақамли теннис маликаси Ига Свёнтек бош соврин соҳибасига айланди. Польшалик теннисчи ҳал қилувчи финал учрашувида WTA рейтингида тўртинчи ўринни эгаллаб турган беларуслик Арина Соболенкога қарши кортга чиқди.

Саксон беш дақиқа давом этган баҳсда Свёнтек рақибасини 6/2, 6/2 ҳисобида таслим этди. Учрашув давомида 20 ёшли Ига иккита қўшхатога йўл қўйиб, тўртта брейкни амалга оширди. Теннисчиларнинг ўзаро учрашувларида Свёнтек ҳисобда олдинга чиқиб олди - 1:1.

Польшалик теннис маликаси Porsche Tennis Grand Prix турниридаги иштирокидан 470 очко ва 93,823 евро мукофот пули ишлаб олди.