Игорь Шевазуцкий: "Мен ҳозир энг яхши формамда эмасман"

— Жалолов билан жанг қилиш таклифи қандай пайдо бўлди?

— Улар менга ёзиб, жанг қилишни хоҳлайсизми, деб сўрашди. Мен дарҳол рози бўлдим. Афсуски, шароитлар тенг эмасди, чунки менда машғулот ёки спарринг йўқ эди. Лекин номсиз боксчилар ва бундай ғалабалардан қувонгандан кўра, рингни жиддий бокс усталари билан бўлишишни афзал кўраман.

— "Катта ўзбек" билан жанг қилиш таклифи қачон тушди?

— Тахминан бир ярим ҳафта олдин. Лекин бу шунчаки суҳбат эди, ҳеч қандай аниқликсиз. Кейин интернетда менинг жангим ҳақидаги хабарлар тарқала бошлади, лекин мен бу ҳақда ҳали ҳеч нарса билмасдим. Фақат душанба, 31 март, кечки соат 22:00 да улар шартнома жўнатишди. Афсуски, ҳозир мен ўзимнинг энг яхши формамда эмасман. Спаррингларим кўп эмас. Промоутерим эса бу ҳолатда менга ҳеч нарса таклиф қилмаяпти.