06 ноя 10:27
Янгиликлар

Дзюдо

IJFнинг "Мактабларда дзюдо" дастури амалда

Маълумки, Халқаро дзюдо федерацияси (IJF)нинг “Мактабларда дзюдо” дастури ташкилотга аъзо барча мамлакатларда амалиётга тадбиқ этиб келинаяпти.

Жумладан, Ўзбекистонда ҳам ушбу дастур амалиётда қўлланилмоқда. Қорақалпоғистон Республикаси, барча вилоятлар ҳамда Тошкент шаҳридаги аввалдан танлаб олинган умумтаълим мактабларида дзюдо тўгараклари фаолият юритмоқда. Ушбу мактабларда 5-12 ёшли болалар дзюдо орқали ижтимоий, таълимий ва жисмоний кўникмаларни ўрганишяпти.

Куни кеча Ўзбекистон дзюдо федерацияси мутасаддилари пойтахтимиздаги 157-умумтаълим мактаби қошида фаолият юритаётган дзюдо тўгараги билан яқиндан танишишди. Шерзод Ашуров мураббийлик қилаётган дзюдо тўгарагида 200 нафардан зиёд болалар ушбу яккакураш тури билан мунтазам шуғулланиб келишаяпти. Бу мактаб зали IJF томонидан тақдим этилган татами билан жиҳозланган. Ёш дзюдочиларга киманолар етказиб берилган.