08 сен 07:53
Янгиликлар
Спорт курашлари
Икки ҳафта олдин жаҳон чемпиони бўлган Улуғбек Рашидов "Бувайтар Сайтиев" турнирида олтин медални қўлга киритди. Уни Разамбек Жамалов табриклади + ФОТО
Россия Федерациясининг Красноярск шаҳрида эркин кураш бўйича "Бувайсар Сайтиев соврини учун" 19-халқаро турнири бўлиб ўтди.
Мусобақада 12 мамлакатнинг 300 нафардан зиёд курашчилари, жумладан ўзбекистонлик спортчилар ҳам иштирок этишди.
Аҳамиятлиси, турнирда иштирок этган ёш ҳамюртимиз Улуғбек Рашидов 48 кг вазн тоифасида мусобақа олтин медалини қўлга киритди. У финалда Қирғиз Республикаси вакили Садур Кайипбековдан устун келди. Тақдирлаш маросимида эса ҳамюртимизни Ўзбекистон терма жамоаси сафида Париж Олимпиадасида олтин медални ютган Разамбек Жамалов (74 кг) табриклади.
Бундан ташқари, 55 кг вазн тоифасидаги баҳсларда иштирок этган Фахриддин Насриддинов бронза медалига эга чиқди.
Эслатиб ўтамиз, Улуғбек Рашидов август ойи охирида Иорданиянинг Амман шаҳрида бўлиб ўтган U-17 Жаҳон чемпионатида ғолиб бўлиб, икки карра жаҳон чемпионига айланган эди.
Ҳавола :
Манба : olamsport.com
Фикрлар