Икки проф боксчимиз Кореяда ғалабага эришди ФОТОГАЛЕРЕЯ

Оқшом доирасидаги жангларнинг иккитаси ўзбекистонлик боксчилар иштирокида бўлиб ўтди. Мағлубият нималигини билмай келаётган Абдурасул Исмоилов 6 раундга мўлжалланган жангда хитойлик Кун Вангни очколар ҳисобига кўра мағлуб этди. У одатдагидек рингда Хабиб тимсолида пайдо бўлди. 

Яна бир чарм қўлқоп устамиз Шоҳрух Ашуров ҳам 6 раундлик жанг ўтказди. Ашуров россиялик боксчи Михаил Лесниковдан устун келди. Шоҳрух бешинчи раундда рақибини нокдаун ҳолатига ҳам тушириб қўйган. 

Маълумот учун, ҳар икки боксчимиз ҳам Набижон Исманов ва Бобур Нажмиддинов қўл остида шуғулланиб, ўз жангларини ўтказиб келишмоқда. Исманов Жанубий Кореянинг Cocky Buffalo Promotion промоутерлик компанияси билан ҳамкорликни йўлга қўйган. Нажмиддинов эса шу клубда мураббийлик қилмоқда.