31 июл 19:51
Янгиликлар

Бокс/ММА

Икки россиялик Пакьяодан қолган WBA камари учун ўзаро жанг қилади

Россиялик боксчилар Александр Беспутин (WBA рейтингида №1) ҳамда Ражаб Бутаев (WBA рейтингида №6) ярим ўрта вазнда WBA Regular чемпионлик камари учун рингга чиқади.

ESPN нашри хабарига кўра, Беспутин ва Бутаев аввалига вақтинчалик WBA камари учун жанг ўтказишлари керак эди. Лекин Мэннни Пакьяо WBA Regular камаридан воз кечганидан сўнг бу чемпионлик титули эгасиз қолди.

WBA раҳбарияти эса бу вазиятда россиялик боксчилар учун имконият яратди ва энди улар Пакьяонинг собиқ камари учун рингга чиқишади. Мэнни Кит Турманни мағлуб этиб, WBA Super чемпионига айланган эди. Промоутер Лу Дибелланинг айтишича, Беспутин - Бутаев чемпионлик жанги октябрь ойида ўтказилади ва ESPN телеканалида трансляция қилинади.