12 янв 19:21
Янгиликлар
Теннис
Иккинчи ракеткамиз Мария Тимофеева эртадан Australian Open'даги юришини бошлайди
Теннис бўйича жорий йилги Австралия Очиқ чемпионатида саралаш беллашувлари старт олди.
Аввал хабар берганимиздек, мусобақа доирасида Ўзбекистоннинг иккинчи рақамли аёл теннисчиси Мария Тимофеева ҳам ўз омадини синаб кўради.
Марияга квалификациянинг дастлабки босқичида япониялик Май Хонтама рақиблик қилади. Ўйин эртага 8:30 да бошланиши белгиланган.
Маълумот учун, кунчиқар юрт вакиласи ҳозирда WTA рейтингида 242-поғонадан жой олган. Ўзбекистоннинг иккинчи ракеткаси бўлиб турган 22 яшар Тимофеева эса 138-ўринни банд этган.
Australian Open 2026 турнирининг асосий тўрига йўлланма олиш учун учта учрашувда ғолиб чиқиш талаб этилади. Мария 26 ёшли Маи Хонтама тўсиғидан ўтиб олса, иккинчи даврада франциялик Манон Леонард ва яна бир япон теннисчиси Ҳимено Сакатсуме учрашуви ғолибасига қарши баҳс олиб боради.
Ҳавола :
Манба : olamsport.com
Фикрлар