29 фев 08:04
Янгиликлар

Теннис

Иккинчи сетда матч-бол ҳолатидан чиқиб кетган Жокович якунда финалга йўл олди

БААнинг Дубай шаҳрида давом этаётган нуфузли ATP турнири ўзининг ҳал қилувчи палласига кирди.

Кеча оқшом ўтказилган учрашувлардан сўнг турнирнинг финал иштирокчилари маълум бўлди. Дунёнинг биринчи ракеткаси Новак Жокович франциялик Гаэль Монфисга қарши мураккаб кечган ярим финал учрашувини ўз фойдасига ҳал қила олди.

Сербиялик ракетка устаси иккинчи сетнинг тай-брекида матч-бол ҳолатидан чиқиб кетди. Икки соату 35 дақиқа давом этган баҳс якунида рейтингнинг тўққизинчи поғонасидан жой олган Монфисни 2/6, 7/6(8), 6/1 ҳисобида мағлубиятга учратди. Икки теннисчининг ўзаро учрашувларидаги ҳисоб янада йириклашди - 18:1!