10 мар 10:18
Янгиликлар

Бокс/ММА

Илҳом Назимов Абу-Дабида қозоғистонлик рақибига қарши жанг қилади

Илҳом Назимовнинг навбатдаги жанги бўйича тафсилотлар маълум бўлди.

18 март куни Абу-Даби шаҳрида (БАА) UAE Warriors 39 мусобақаси бўлиб ўтади.

Мазкур мусобақада ярименгил вазнда ўзбекистонлик аралаш жанг санъатлари вакили Илҳом Назимов (9-2) ҳам октагонга кўтарилади. Унга ўша куни қозоғистонлик Рустам Кудайбергенов (5-2) рақиблик қилади.

Назимов сўнгги жангини ўтган йилнинг октябрь ойида UAE Warriors 34 мусобақасида озарбайжонлик Хазар Рустамовга (6-4) қарши ўтказиб, ғалаба қозонган эди. Рустам Кудайбергенов эса оҳирги жангини жорий йилнинг январь ойида қирғизистонлик Элдияр Байжанга (6-5) қарши ўтказиб, ғолиб бўлган эди.

Аввалроқ, Назимов UFC 284 мусобақасида жанг қилиши мумкинлигини айтиб ўтган эди.