Илҳом Назимов UFC 284 турнирида жанг қилиши мумкин

Ярименгил вазнда ўзбекистонлик аралаш жанг санъатлари вакили Илҳом Назимов (9-2) UFC 284 турнирида захира номзоди сифатида дебют қилиши мумкинлигини айтди.

"Менежерим Австралиядаги мусобақага тайёр тур, UFC сени номзодингни қўллаб-қувватлагани бу яхши янгилик деди. UFC 284 турнирида иккита 66 кг вазнли, битта 70 кгда жанг бор, агар уларга бирор корхол бўлса, Ин Ша Аллаҳ октагонга чиқамиз. Мен тайёрман!", - деб айтган Назимов.

Шунингдек, Илҳом аслида Бразилияда ташкил этилган UFC 283 мусобақасида Тиаго Мойзесга қарши жанг қилиши керак бўлгани, аммо Бразилияга виза олиш учун вақт етмагинини маълум қилган.

Ҳозирда UFC'да Ўзбекистон вакилларидан Маҳмуд Мурадов (25-8) ва Саидёқуб Қаҳрамонов (10-3) актив иштирок этиб келишмоқда. Шунингдек, Лилия Шакированинг (8-2) икки йиллик дисквалификацияси ҳам якунига етган.

Бир неча ой олдин спортчимиз билан Абу-Дабида интервью ташкил қилгандик.