10 май 11:07
Янгиликлар

Бокс/ММА

Бугун Илҳом Назимов RIZIN чемпионлик камарини илк бор ҳимоя қилади. Рақиб "Киллер"!

Айни дақиқаларда Япониянинг Кобе шаҳридаги Glion Arena мажмуасида аралаш якка курашлар бўйича RIZIN 53 турнири бўлиб ўтмоқда.

Биз учун аҳамиятлиси, оқшомнинг марказий жанги енгил вазн тоифасида RIZIN Лигасининг амалдаги чемпиони, ўзбекистонлик Илҳом Назимов иштирокида ўтади. Ҳамюртимизга илк камар ҳимоя жангида бразилиялик Луис Густаво рақиблик қилади.

31 ёшли Назимов фаолияти давомида ҳозиргача 16 та жанг ўтказиб, 13 та ғалаба ва 3 та мағлубият қайд этган. У ўтган йилнинг декабрь ойида ўтказган сўнгги жангида бразилиялик Роберто де Соузани нокаутга учратиб, RIZIN чемпионига айланганди.

"Киллер" лақабли 29 яшар Луис Густаво ҳисобида эса 15 та ғалаба ва 4 та мағлубият бор. Айни дамда турнир старт олган бўлиб, жанглар давом этмоқда. Назимовнинг чиқиши Тошкент вақти билан соат 12:30 дан сўнг бошланиши кутилмоқда.