Илия Топурия жанг қачон деган саволга жавоб берди

Бу ҳақда унинг ўзи хабар берди. Асли келиб чиқиши грузиялик бўлган Илия Испаниядаги дебют UFC турнирида октагонга кўтарилади. 

"Навбатдаги жангим ҳамда унинг санаси аниқ бўлди. Мен Испаниядаги илк UFC турнирида жанг ўтказаман", - деди Топурия.

Мағлубият нималигини билмай келаётган Илия Топурия шу йилнинг февраль ойида Анахаймда ўтган 298 турнири доирасидаги жангнинг иккинчи раундида австралиялик Александр Волкановскини нокаутга учратиб, чемпионлик камарини қўлга киритган эди.

Таъкидлаш жоиз, UFC промоушенининг испаниядаги дебют турнири ҳозирча расман тақвимда тасдиқланмаган. Лекин унинг манзили аниқ бўлиб улгурган. Мадриддаги "Реал" клубига тегишли афсонавий "Сантьяго-Бернабеу" стадиони Испания заминида ўтказиладиган илк UFC турнирига мезбонлик қилади.