Илия Топурия: "Махачевни бўғиб қўйган илк жангчи мен бўламан!"

Келиб чиқиши грузиялик, ҳозирда Испания шарафини ҳимоя қилаётган Топурия эртага БАА пойтахти Абу-Даби шаҳрида ташкил этиладиган UFC 308 турнирининг марказий жангида америкалик даъвогар Макс Холлоуэйдан камарини ҳимоя қилади. 

Илиянинг айтишича, Холлоуэй билан жангдан кейин у бошқа вазн чемпионлари Белал Муҳаммад ва Ислам Махачевга қарши октагонга чиқиш истаги борлигини айтди. Топурия бу жангларга "паркдаги енгилгина сайр" дея таъриф берди. 

"Агар улар қўнғироқ қилиб, мени енгил вазнда кўришни истаётганликларини айтишса, Исламни бўғиш ёки оғритиш усули билан мағлубиятга учратган биринчи жангчига айланаман. Келинглар, бу жанг бўйича сўнгги қарорни UFC`нинг ўзига қолдирамиз. Ҳар қандай ҳолатда ҳам мен биринчи навбатда эртанги жангда октагонга чиқиб, ўз ишимни қилишим керак", - деди Топурия кечаги матбуот анжуманида.