17 мар 13:28
Янгиликлар

Теннис

Индиан-Уэллс. Навбатдаги тўсиқдан ўтилди. Надаль чорак финалда!

Мавсумнинг илк "Мастерс" турнирида чорак финалчилар аниқланмоқда.

Сайёрамизнинг 4-ракеткаси испаниялик Рафаэль Надаль Индиан-Уэллсдаги "Мастерс" турнирининг тўртинчи даврасида АТР рейтингида 17-ўринни эгаллаб турган америкалик Рейли Опелкани 7/6, 7/6 ҳисобида мағлуб этди.

2 соату 11 дақиқа давом этган учрашувда 35 ёшли Надаль олтита эйсни амалга оширди, уч марта қўш хатога йўл қўйди ва битта брейк-пойнт қайд этди, 24 ёшли Опелка эса тўққиз марта эйс амалга ошириб, беш бор тўпни ўйинга киритишда хатога йўл қўйди ва битта брейк қайд этди. Спортчиларнинг ўзаро учрашувларида ҳисоб испаниялик теннисчи фойдасига 2:0 кўринишига келди.

Надаль BNP Paribas Open турнирининг чорак финалида австралиялик Ник Киргиосга қарши баҳс олиб боради.