"Интер Майами" ва Месси янги шартнома борасида келишиб олди

Мессининг амалдаги шартномаси йил охиригача мўлжалланган. Июль ойида журналист Хави Кампос Месси клуб билан шартномани 2028 йил охиригача узайтирмоқчи эканини, чунки у кейинги Жаҳон чемпионати (2026) ва Кубок Америкасида (2028) иштирок этмоқчи эканини хабар қилган эди.

Мессига 38 ёшда, у "Интер Майами" сафида 2023 йилдан бери тўп тепмоқда. Фаолияти давомида Месси Испаниянинг "Барселона" ва Франциянинг "Пари Сен-Жермен" клубларида ҳам ўйнаган. Аргентиналик футболчи саккиз карра "Олтин тўп" соҳиби. Аргентина терма жамоаси таркибида у Жаҳон чемпионати (2022), Америка Кубоги (2021, 2024), Финалисима (2022) ва Олимпия ўйинларида (2008) ғолиб чиққан.