15 май 15:41
Янгиликлар

Теннис

Internazionali BNL d'Italia. Дунёнинг биринчи ракеткасини тўхтатишди

Сайёрамизнинг биринчи рақамли теннис маликаси Арина Соболенко Рим шаҳрида ўтказилаётган WTA 1000 тоифасига кирувчи турнирдаги иштирокини якунлади.

Беларуслик теннисчи 1/4 финалда рейтингнинг саккизинчи поғонасида бораётган хитойлик Чжэн Циньвэнга 4/6, 3/6 ҳисобида имкониятни бой бериб қўйди. Тўқсон етти дақиқа давом этган баҳсда Чжэн 4 та эйс, 3 та брейк қайд этиб, 3 бор қўшхатога йўл қўйди.

Қизиғи, теннисчиларнинг ўзаро саккизинчи учрашувига келиб Чин юрти вакиласи илк бор Аринани мағлуб эта олди. Бундан аввалги еттита учрашувнинг барида Соболенконинг қўли баланд келганди. Чжэн шунингдек, Аринанинг 9 та учрашувдан иборат ғалабали сериясига ҳам барҳам берди.