Интизом таъминланмаган жамоада натижа бўлмайди

Унда федерация раҳбарияти терма жамоа дзюдочилари билан учрашди. 

Йиғилишда Ўзбекистон Миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов, янги тайинланган раис ўринбосари Шокир Мўминов, федерация бош котиби Улуғбек Кабулов иштирок этишди. 

Ушбу йиғилишни ўтказишдан кўзланган асосий мақсад - дзюдочиларни ички тартиб-интизом билан яна бир бор таништиришдан иборат эди. Зеро, натижанинг калити, пойдевори интизомда. Тартиб-интизом таъминланмаган жамоа ёки шунга амал қилмайдиган спортчи кўзланган натижага эриша олмайди. 

Терма жамоанинг барча аъзолари ҳамда номзод дзюдочилари машғулот залига телефонларни олиб кирмасликлари, эрталабки бадантарбия машғулотида юз фоиз иштирок таъминланиши, соат 22:00да ҳамма ўз хонасида бўлиши ва федерация ҳудудидан ташқарига чиқмаслиги уқтирилди. 

Мавжуд қоидаларга амал қилмаган дзюдочиларга қатъий жазо қўлланилади.