Иқболжон Холдаров ҳали ҳамон ҳаваскор боксидан умидини узмаганини айтди

Ўзбекистонлик профессионал боксчи Иқболжон Холдаров (5-0, 4 КО) ҳали ҳам ҳаваскор боксида рингга кўтарилиши мумкинлигини таъкидлади.

"Ҳозирча фаолиятимни юз фоиз профессионал боксда давом эттираман, деб айта олмайман. Олдиндан бирор нарса дейиш қийин. Ҳали ҳам ҳаваскор боксда жанг қилишим мумкин, чунки ҳаваскор боксда исботлашим керак бўлган натижаларим бор. Олдинда Олимпия мусобақалари бор", - деди боксчи Qalampir.uz'га берган интервьюсида.

Иқболжон Холдаров сўнгги бор 16 апрель куни мексикалик Элеазар Валенсуэлага қарши жанг қилиб, муддатидан аввал ғалаба қозонган эди. Унинг ҳаваскор боксдаги "Странжа" мусобақасида қайд этган мағлубиятидан сўнг жаҳон чемпионатида иштирок этмаслиги маълум бўлган эди.