Иқболжон Холдаров ва Ҳасанбой Дўсматов жанг қилиши керак бўлган турнир қолдирилди

Мазкур турнирда ҳамюртларимиз Иқболжон Холдаров ва Ҳасанбой Дўсматов ҳам ўзларининг навбатдаги жангларини ўтказиши белгиланганди. Бироқ турнир май ойида ўтказиладиган бўлди. Бу ҳақда ташкилотчилар томонидан хабар берилди.

"Ҳурматли турнир иштирокчилари ва меҳмонлари, Қирғиз Республикасида апрелдан майгача бўлиб ўтиши режалаштирилган турнирларнинг қолдирилишини эълон қилишдан афсусдамиз. Ушбу қарор ҳозирги халқаро вазият ва минтақадаги бир қатор мамлакатларга таъсир қилувчи халқаро саёҳат тавсияларидаги ўзгаришлар туфайли қабул қилинди. Бизнинг устувор вазифамиз жангчиларимиз, мураббийларимиз, шерикларимиз ва бутун жамоамиз хавфсизлигини таъминлаш. Шу боис, биз тадбир саналарини ўзгартириш зарур деб ҳисобладик.

Етказилиши мумкин бўлган ҳар қандай ноқулайликка чин дилдан узр сўраймиз ва тушунганингиз учун ташаккур айтамиз. Шуни таъкидлаш керакки, турнир бекор қилинмаган - у албатта бўлиб ўтади. Бокс оқшоми тахминан бир ойга чўзилади.

Биз сизни барча янгиликлар ва май ойига режалаштирилган турнирларнинг аниқ саналари ҳақида ўз вақтида хабардор қилиб турамиз", дейилади промоутерлик ташкилоти хабарида.