22 мар 10:12
Янгиликлар

Бокс/ММА

Иқболжон Холдаровнинг жанги эълон қилинди. Рақиб ҳали мағлуб бўлмаган (Тўлиқ кард)

Тажрибали чарм қўлқоп устамиз Иқболжон Холдаров профессионал рингдаги навбатдаги жангини ўтказади.

29 яшар ҳамюртимиз 18 апрель куни Қирғиз Республикасининг Бишкек шаҳридаги Gazprom Sports Complex мажмуасида Saikoulush промоутерлик компанияси томонидан ташкил этиладиган проф бокс оқшомида иштирок этади.

Холдаровга мусобақа доирасида Филиппин вакили Дэн Даклес рақиб бўлади. Жанг супер ярим ўрта вазн тоифасида 8 раунд этиб белгиланган.

Оқшомнинг марказий жанги эса супер енгил вазн тоифасида вакант бўлиб турган WBA Gold камари учун мексикалик Луис Нери ва филиппинлик Жон Риэль Казимеро ўртасида кечади.

Маълумот учун, андижонлик Иқболжон Холдаров проф фаолияти давомида 7 та жанг ўтказиб, барчасида рақибларидан устун келган. Дэн Даклес ҳисобида эса 8 ғалаба ва 2 та дуранг бор.

18 апрель кунги бокс оқшомининг тўлиқ карди: