Ислам Махачев: "Эверестга чиқиш? У ерда намоз ўқишнинг имкони борми?"

Россиялик аралаш яккакураш устаси учун асосий тўсиқ дунёнинг энг баланд чўққиси эмас, балки бундай экстремал шароитда қандай намоз ўқиш масаласи эканлигини тан олди.

"Балки бир кун Эверестга чиқарман. Мен тез-тез ўзимга савол бераман, одамлар қандай қилиб бундай совуқда, 30 даража совуқда ибодат қилишади, намоз ўқишади? Бундан ташқари, тоғдаги ҳар бир дақиқа - бу синов!", - деди Махачев.

Айни пайтда Махачев UFC’да 16 та ғалабадан иборат серияга эга. Исламнинг ҳисобида жами 28 ғалаба ва битта мағлубият бор. У Нью-Йоркдаги UFC 322 турнирида бўлиб ўтган сўнгги жангида австралиялик Жек Делла Маддаленани очколар ҳисобига кўра мағлуб этиб, ярим ўрта вазн тоифаси чемпионига айланган эди.