Ислам Махачев кейинги жанги учун идеал рақибни айтди

"Балки Порьега қарши жанг қиларман. Бу UFC лигасидаги катта ном. Жанг эса шубҳасиз қизиқ бўлади. Дариушнинг мағлубияти кўп нарсани ўзгартириб юборди. Унинг имкониятларини жуда юқори баҳолашаётган эди. Агар у Оливейрани мағлубиятга учратганида, Бенил билан ажойиб жанг ташкил этилар эди. Мен айнан Дариушга мухлислик қилгандим. Унга қарши жангим фаолиятим учун ҳам қизиқ бўларди деб ўйлагандим", - деди Махачев. 

Маълумот учун, собиқ вақтинчалик UFC чемпиони Дастин Порье 29 июль куни Солт-Лейк-Сити шаҳрида ўтказиладиган UFC 291 турнирида Жастин Гэтжига қарши октагонга кўтарилади. Ғолиб вакант бўлиб турган BMF камарини қўлга киритади. Ушбу жангда зафар қучган америкалик Ислам Махачевнинг камарига даъвогарга айланиши мумкин. Махачевнинг ўзи катта эҳтимол билан 21 октябрь куни Абу-Дабида ўтказиладиган UFC 294 турнирида камарини ҳимоя қилади.