30 июл 12:24
Янгиликлар

Бокс/ММА

Ислам Махачев: "Конор Макгрегордан кўнглим қоляпти"

Макс Холлоуэй устидан ғалаба қозонган тақдирда, Конор Макгрегор UFC ярим ўрта вазн тоифасидаги чемпионлик камари учун даъвогар бўлишни режалаштирган эди.

Дивизионнинг амалдаги чемпиони Ислам Махачев ирландиялик аралаш яккакураш устасининг жароҳати туфайли жанг атиги 69-сонияда якунланганидан афсусда.

"Ростини айтсам, унга ачиняпман. Макс уни енгишини билар эдим, лекин ҳаммаси бунчалик тез — биринчи дақиқадаёқ тугашини кутмагандим. У беш йиллик танаффусдан кейин қандай жанг қилишини кўрмоқчи эдим. Очиғи, ҳаммаси шу тарзда якунланганини кўриш менга ёқимсиз бўлди", — деди Махачев "Complex Sports" нашрига берган интервьюсида.

Аввалроқ тиззасидаги пайлари ва менискини жароҳатлаб олган Конор Макгрегор бир йилдан сўнг Лас-Вегасдаги Халқаро жанг ҳафталигида қайтишни ва ташкилот билан амалдаги шартномаси бўйича сўнгги жангини ўтказишни режалаштираётганини маълум қилди. У буни "сўнгги рақс" деб атади.

Ислам Махачев 15 август куни Филадельфияда бўлиб ўтадиган UFC 330 турнирида октагонга қайтади. Турнирнинг марказий жангида у ирландиялик Йен Мачадо Гэрри билан тўқнаш келади.