08 июл 12:09
Янгиликлар

Бокс/ММА

Ислам Махачев Майкл Чендлернинг "вызов"ига "ответ" қилди

UFC енгил вазн тоифаси рейтингида 4-ўринни эгаллаб турган Ислам Махачев америкалик жангчининг таклифига жавоб қайтарди.

Доғистонлик аралаш яккакураш устаси Чендлернинг таклифини битта шарт билан қабул қилади. Ўртага вакант чемпионлик камари қўйилиши шарт.

"Осон пуллар. Мақсадим – чемпионлик камари! Бу йўлда рақибнинг ким бўлиши муҳим эмас. Майкл, кел бу ишни амалга оширамиз!", - деди Махачев.

Бир муддат аввал собиқ Bellator чемпиони бўлган Чендлер Ислам билан вакант камар учун жанг учун Конорга қарши ўтказилиши режалаштирилаётган пуллик жангдан воз кечишга тайёр эканини билдирган эди.

Гап-сўзларга қараганда, Махачев - Оливейра жанги 22 октябрь куни Абу-Дабидаги UFC 281 турнири доирасида бўлиб ўтади. Айни пайтда UFC раҳбарлари ушбу жанг устида иш олиб боришяпти. Оливейранинг ўзи жангни Бразилия ёки АҚШда ўтказилиш тарафдори бўлмоқда.