Ислам Махачев: "Олдинда учта томошабоп ва оғир жанг кутиб турибди"

У ўз ютуғини яна камида уч марта янгилашни ва уни потенциал рақибларнинг даъволаридан ҳимоя қилишни режалаштирмоқда. Бу ҳақда ирландиялик Йен Мачадо Гэррига қарши жангдан сўнг уйига қайтган россиялик жангчи уни кутиб олган журналистларга маълум қилди.

"Буни абадий рекорд деб айтмаган бўлардим. Кимдир ортимдан нафас олаяпти, деб ҳам бўлмайди, лекин аллақачон ўнта ғалабага эришган жангчилар бор. Бошқа рекордларга келсак, чемпионлик жанглари бўйича рекорд умуман олганда жуда катта. Мен чемпионлик жангигача ўнта жанг ўтказганман, бу рекорд соҳиби эса ташкилотдаги учинчи ёки тўртинчи жангидаёқ чемпионлик учун курашган. Шунинг учун, келгусида қандай рекордлар бўлишини билмайман, лекин менинг вазнимда ҳозир чемпионликка жуда яхши даъвогарлар бор ва олдинда мени яна камида учта томошабоп ва оғир жанг кутиб турибди", – деди UFC`нинг вазн тоифасидан қатъи назар энг яхши жангчиси (P4P).

Эслатиб ўтамиз, 16 август тонгида Ислам Махачев Филадельфияда бўлиб ўтган UFC 330 турнирида Йен Мачадо Гэррини ҳакамларнинг якдил қарори билан мағлуб этиб, ташкилотдаги кетма-кет ўн еттинчи ғалабасини қўлга киритганди. Унинг навбатдаги рақиби, катта эҳтимол билан, бразилиялик нокаутчи Карлос Пратес бўлади.