Ислам Махачев орден билан тақдирланди

Ўлка раҳбари Сергей Меликов Махачевга "Доғистон Республикасига хизматлари учун" орденини тантанали равишда топширди. Тақдирлаш маросими Абдулманап Нурмагомедов номидаги аралаш яккакураш спорт мактабида бўлиб ўтди.

Ўз ўрнида Махачев Доғистон Республикаси раҳбарига ўзининг UFC қўлқопи ҳамда либосини топширди.

"Чемпионлик камарини қўлга киритганимдан хурсандман. Бу доғистонлик ёшлар учун қўшимча мотивация бўлади. Бизда истеъдодли ёшлар жуда ҳам кўп. Спорт залларининг болалар билан гавжум экани фикримга исбот бўла олади. Мен ҳам бу болалардан ҳеч бир устун жойим йўқ эди. Шунчаки, ўз олдимга мақсад қўйдим, машаққатли йўлни босиб ўтдим, тинмай меҳнат қилдим, кўп нарсалардан воз кечдим ва мана якунда ўз ниятимга етдим", - деди Махачев.