Ислам Махачев: "Оёғим узунроқ бўлганида эди..."

Ўша вазиятда у рақибини чап оёқ билан тепиб (хай-кик), йиқитган, бироқ жангни муддатидан аввал якунлай олмаган эди.

"Агар оёғим узунроқ бўлганида, бу соф нокаут бўларди", — деб ёзди россиялик жангчи ижтимоий тармоқдаги саҳифасида ва ушбу вазият акс этган видеони жойлаштирди.

Филадельфиядаги UFC 330 турнирида ирландиялик рақибини ҳакамларнинг якдил қарори билан мағлуб этган Махачев, бу жангда австралиялик Жек Делла Маддаленага қарши ўтган аввалги жангига қараганда камроқ вазн тўплаганини тан олди. Ўша жангда у рақибини партерда тўлиқ назорат қилган эди.

Россияликнинг сўзларига кўра, у навбатдаги жангига қадар вазн фарқини камайтириш учун кўпроқ мушак массасини йиғишга ҳаракат қилади. Ҳозирги вазият шуни кўрсатяптики, Ислам чемпионлик камарининг навбатдаги ҳимоясини бразилиялик Карлос Пратесга қарши ўтказади. Пратес ҳам ярим ўрта вазн тоифасидаги энг йирик жангчилардан бири ҳисобланади.