23 фев 14:09
Янгиликлар

Бокс/ММА

Ислам Махачев Топурия билан жанг қиладими? - Дана Уайт жавоб берди

Ярименгил вазн тоифасидаги чемпионлик камарини вакант қолдирган Илия Топурия фаолиятини енгил вазнда давом эттиришини маълум қилганди.

Бу ҳолатдан кейин кўпчилик Топуриянинг кейинги жангларидан бири енгил вазн чемпиони Ислам Махачевга қарши ўтказилишини тахмин қила бошлади. UFC президенти Дана Уайт бугунги UFC Fight Night 252 турниридан кейинги матбуот анжуманида бу саволга жавоб берди.

"Бизда бошқа вариантлар ҳам бор. Ҳозир жуда кўп аҳмоқона ишлар бўляпти", — дея саволга қисқа жавоб берди Уайт.

Эслатиб ўтамиз, Ислам Махачев ўтган ойда бразилиялик Ренато Мойканони биринчи раунддаёқ бўғиш усули билан мағлуб этиб, ўз камарини тўртинчи бор муваффақиятли ҳимоя қилганди. Топурия эса ўтган йилнинг октябрь ойида собиқ чемпион Макс Холлоуэйни муддатидан аввал таслим этган эди.