27 окт 12:12
Янгиликлар

Бокс/ММА

Ислам Махачев Топурия ва Холлоуэйга мурожаат қилди

Енгил вазнда амалдаги UFC чемпиони Ислам Махачев ярименгил вазн чемпиони Илия Топурия ҳамда BMF камари соҳиби Макс Холлоуэйга хитоб қилди.

"Табриклайман, чемпион. Бу ажойиб ғалаба бўлди. Макс, сен эса бошингни тик тут. Сен афсонасан!", — дея ўзининг ижтимоий тармоқдаги саҳифасида хабар қолдирган Махачев.

Кеча БАА пойтахти Абу-Даби шаҳрида ўтган UFC 308 турнирининг марказий жангида асли келиб чиқиши грузиялик бўлган ва ҳозирда Испания шарафини ҳимоя қилаётган Илия Топурия учинчи раундда америкалик Макс Холлоуэйни нокаутга учратган эди.

Шу тариқа, Илия илк чемпионик ҳимоя жангини муваффақиятли ўтказиб олди. Бу унинг кетма-кет қўлга киритган 16-ғалабаси бўлди. Холлоуэй эса аксинча, фаолиятида илк бор нокаут билан ютқазди.