Ислам Махачев UFC`даги ўзи забт эта олмайдиган рекордни айтди

"Буни абадий рекорд деб бўлмайди. Барибир шундай жангчилар борки, уларнинг кетма-кет 10 та ғалабаси бор. Тўғри, улар ортимдан нафас олаяпти деб айта олмайман, лекин барибир бор. Бошқа қандай рекордлар борлигини ўзим ҳам билмайман. Балки, чемпионлик жанглари бўйича бордир. Бироқ чемпионлик жанглари бўйича рекорд жуда катта. Мен чемпионлик жангигача 10 та жанг ўтказганман, бу рекорд эгаси эса, чамамда, учинчи ёки тўртинчи жангидаёқ чемпионлик учун курашган. Шундай экан, кейинги рекордлар қандай бўлишини очиғи, билмайман", — деди Махачев "Ушатайка" YouTube каналига берган интервьюсида.

Чемпионлик жангларидаги ғалабалар бўйича рекорд Жон Жонсга тегишли. Аввалроқ америкалик жангчи Ислам Махачевнинг буюклиги ҳақидаги гап-сўзларга киноя билан муносабат билдириб, статистикани илова қилган эди. Унда россиялик жангчининг 7 та, Жонснинг эса 16 та шундай ғалабаси борлиги кўрсатилган.