Ислом Бирдамлиги ўйинларига тайёргарлик бошланди

7-21 ноябрь кунлари Саудия Арабистони пойтахти Ар-Риёд шаҳри мезбонлик қиладиган ушбу мусобақа дастуридан дзюдо беллашувлари ҳам ўрин олган.  

Уч йил аввал Туркиянинг Конья шаҳрида ўтказилган V Ислом Бирдамлиги ўйинларида дзюдочиларимиз 6 та олтин, 2 та кумуш, 5 та бронза, жами 13 та медаль билан 56 иштирокчи давлат орасида умумжамоа ҳисобида 1-ўринни эгаллаган эди. Бу билан дзюдо терма жамоамиз Ўзбекистон спорт делегациясининг якунда иккинчи ўринни банд этишига катта хисса қўшганди. 

Шу кунларда дзюдочиларимиз ҳисоб бўйича VI Ислом Бирдамлиги ўйинларида мусносиб тарзда иштирок этиш учун тайёргарликка зўр беришган. Терма жамоа бош мураббийи Алексей Будолин машғулотларни ҳам назарий, ҳам амалий тарзда ўтказмоқда.