18 май 22:27
Янгиликлар
Кураш
“Ислом бирдамлик ўйинлари”. Мўминжон Абдуллаевда кумуш!
Хабар берганимиздек, шу кунларда Озарбайжон пойтахти Боку шаҳрида “Ислом бирдамлик ўйинлари” бўлиб ўтмоқда.
Ҳозиргина мусобақанинг юнон-рум кураши мусобақасининг энг оғир 130 кг вазн тоифасидаги баҳсларида ғолиб ва совриндорлар номи маълум бўлди.
Ушбу вазн тоифасида гиламга чиққан ҳамюртимиз Мўминжон Абдуллаев “Ислом бирдамлик ўйинлари”нинг кумуш медалига сазовор бўлди. Рақиблари орасида энг енгили бўлган Абдуллаев олтин учун кечган баҳсда туркиялик Осман Йилдиримга имкониятни бой берди.
Маълумот учун, Мўминжон Абдуллаев илк баҳсида суриялик Алкрадни мағлубиятга учратди. Ярим финалда эса мезбонлар вакили Сабаҳ Шариатини таслим этиб, финал йўлланмасини қўлга киритган эди.
Ҳавола :
Манба : olamsport.com
Фикрлар