03 июл 15:50
Янгиликлар

Бокс/ММА

Исраэль Адесанья тарихий натижа арафасида

Ўрта вазн тоифасида UFC чемпиони Исраэль Адесанья яна бир бор камарини муваффақиятли ҳимоя қилди.

Асли келиб чиқиши нигериялик 32 ёшли бўлган Адесанья бугун америкалик 38 ёшли Жаред Канноньени очколар ҳисобига кўра мағлубиятга учратди. Янги Зеландия номидан октагонга чиқиб келаётган чемпион кейинги жангида UFC промоушенида тарихий натижа қайд этиши мумкин.

Гап шундаки, бугун Адесанья ўрта вазн тоифасида қаторасига 12-ғалабасини қўлга киритди. Бу UFC ўрта вазн тоифасидаги иккинчи яхши натижа ҳисобланади. Бу вазнда ғалабали серия бўйича Андерсон Силва рекорд соҳиби бўлиб турибди. Унинг ҳисобида кетма-кет қозонилган 13 та ғалаба бор.