Исроил Мадримов: "Асосий фокус Богачукка қаратилган. Вержилга ҳам навбат келади"

Боксчимиз Olamsport.com сайтига берган кичик интервьюсида бўлажак икки рақиби — украиналик Сергей Богачук ҳамда америкалик WBC Interim камари соҳиби Вержил Ортисга қарши кечадиган жанглари ҳақида фикр билдирди. 

"Ҳозирда тайёргарлик давом этяпти. Кўрамиз, ҳозирча аниқ бир қарорга келмадик. Асосий фокус, яъни эътибор Богачукка қаратилган. Биринчи навбатда айнан украиналик боксчи. Энди иккала рақибим ҳам кучли. Иккисининг ўзаро ўтказган жангини кўрдим. Ҳар иккиси ҳам тенг жанг қилган. Вержил билан ўз вақтида спарринг ҳам ўтказганмиз. Тўғри, қийин рақиб, лекин тайёргарлик кўриб, ютса бўлади. Қизиқ жанг бўлади", деди Мадримов.

Маълумот учун, ҳамюртимизнинг Сергей Богачук билан жанги 21 декабрь, Вержил Ортис билан баҳс эса 2025 йилнинг 22 февраль куни ўтказилади. Ҳар икки жангга Саудия Арабистонининг Ар-Риёд шаҳри мезбонлик қилади.