Исроил Мадримов Головкин жанги андеркардида рингга кўтарилади ФОТО

Чарм қўлқоп устамиз 5 октябрь куни АҚШнинг Нью-Йорк шаҳридаги муҳташам Madison Square Garden аренасида бўлиб ўтадиган бокс оқшомида рингга чиқади. Бўлажак жангда ҳамюртимизга мексикалик Алехандро Баррера рақиблик қилди. 

Оқшомнинг марказий жанги ярим ўрта вазн тоифасда собиқ жаҳон чемпиони қозоғистонлик Геннадий Головкин ҳамда украиналик Сергей Деревьянченко ўртасида бўлиб ўтади. Ушбу жангда ўртага вакант бўлиб турган IВF чемпионлик камари қўйилади. Головкин иштирокидаги жангдан аввалги баҳсда эса айнан Мадримов Баррерага қарши рингга чиқади. Яъни, Исроил иштирокидаги жанг Головкин бокс оқшомининг андеркард жанги сифатида қайд этилди.    

Маълумот учун, WBA Intercontinental чемпионлик камари соҳиби бўлиб турган Исроил Мадримов шу кунгача ўтказган уччала жангини ҳам муддатидан аввал якунлаган. 34 ёшли тажрибали Баррера эса 34 та жангда рингга кўтарилган. Ҳисобида 29 та ғалаба (18 та нокаут) ва 5 та мағлубият (1 та нокаут) бор.