Исроил Мадримов: "Кроуфорд жуда ақлли боксчи. Бу Канело учун қийинчилик туғдирди"

"Бундай жанг нафақат мен учун, балки бутун бокс оламига, бутун дунёга қизиқ эди. 

Мен Кроуфорд билан жанг қилганим учун унинг устун томонлари ҳақида аввал ҳам кўп гапирганман: агар Кроуфорд иккита вазн кўтарадиган бўлса, Канелони тезлик ҳисобига ютиши мумкинлиги, унда ақл даражаси жуда юқори эканлиги ҳақида гапиргандим. Канело бундай боксчига қарши жанг қилмаганди. 

Кроуфорд жуда ақлли ва бу Канело учун қийинчилик туғдирганини барча кўрди. Жанг ҳақида кўплаб изоҳлар билдирилди, орада бизнинг жангимизни ҳам эслашди. Бизга имкон берилганди ва шундай даражада жанг қила олдик, бунинг учун Алҳамдулиллаҳ деймиз", - деди Исроил Мадримов olamsport.com муҳбири Сарвиноз Рахмонқулова билан суҳбатда.