Исроил Мадримов: «Рекорди яхши боксчиларнинг ҳеч бири биз билан жанг қилишга рози бўлмади»

Исроил Мадримовнинг янги рақиби эълон қилиниши билан бокс мухлислари томонидан рақибнинг кучсизлиги, чемпионлик жанги ўтказилмаётгани ҳақида изоҳлар билдирилди. Оlamsport.com сайти мухбири айни вақтда АҚШда машғулотларни давом эттираётган Мадримов билан боғланиб мазкур вазиятга изоҳ беришини сўради.

Мадримов ушбу баҳс бошқа вазн тоифасида бўлишини маълум қилди.

«Ўзи бу жанг режада йўқ эди. Бирдан пайдо бўлди, кейин рақиб қидиришга киришдик. Игбоквегача рақиб 4 марта алмашди. Рекорди яхши боксчиларни жангга чақирдик. Лекин ҳеч бири розилик билдирмади. Фақат Рафаэл Игбокве рози бўлди. Шунда ҳам бу боксчи ўрта вазн(72,5 кг)да, биз унинг дивизионида жанг қиламиз. 

Бизга чемпионлик жангини беришмаяпти. Чунки Чарлонинг қўлида жароҳат бор. Лекин биз жанг ўтказиб тажрибамизни оширишимиз, жанг амалиётида бўлишимиз керак», - деди Мадримов.