Исроил Мадримовнинг Сергей Богачук билан жанги тақдири нима бўлади?

Аҳамиятлиси, турнир кардидан биринчи яримўрта вазн тоифасида собиқ WBA чемпиони Исроил Мадримов иштирокидаги жанг ҳам ўрин олди. Ҳамюртимиз Ар-Риёддаги учинчи жангида WBC Interim камари соҳиби, америкалик Вержил Ортис билан тўқнаш келади. Жанг 12 раундга мўлжалланган.

Қизиғи, Мадримов бу жангдан олдин 21 декабрга мўлжалланган Усик — Фьюри II карди доирасида украиналик Сергей Богачук билан тўқнаш келиши керак.

Исроил Мадримовнинг промоутери ҳисобланган "Matchroom Boxing" компанияси раҳбари Эдди Хирннинг маълум қилишича, ўзбекистонлик чарм қўлқоп устаси декабрь ойидаги жангда ҳам иштирок этади.

Маълумот ўрнида, 29 ёшли Исроил Мадримов ҳозирга қадар 12 та жанг ўтказиб, 10 та ғалаба, 1 та мағлубият ва 1 та дуранг қайд этган. 26 ёшли Вержил Ортис Жуниор ҳисобида эса 22 та ғалаба бор. У сўнгги жангида Мадримовнинг бўлажак рақиби Богачукни очколар ҳисобига кўра таслим этганди.