25 ноя 13:24
Янгиликлар

Футбол

Исроиллик футболчига Ўзбекистоннинг иккита жамоаси қизиқишмоқда

"Қайрат" ярим ҳимоячиси Офри Арад келаси мавсумни Ўзбекистонда ўтказиши мумкин.

Исроиллик футболчига Ўзбекистоннинг иккита жамоаси жиддий қизиқиш билдирмоқда. Бу ҳақда Нарзулла Сайдуллаев ўзининг телеграм каналида маълум қилди.

27 ёшли футболчининг Қозоғистон жамоаси билан тузган шартномаси йил якунида якунланади. Футболчи жорий мавсум "Қайрат" сафида жами 36 та баҳсда майдонга тушди. Унинг ҳисобида 1 та гол ва 4 та ассист бор. Энг қизиғи, футболчи мавсумдаги ягона голини EЧЛ доирасида "Интер"га урганди.