03 янв 08:47
Янгиликлар
Теннис
Истомин - Дональдсон учрашуви эртага бўлиб ўтади
Австралиянинг Брисбен шаҳрида соврин жамғармаси 469,910 АҚШ долларини ташкил қилувчи 2018-йилги мавсумнинг илк турнири давом этмоқда.
Хабар берганимиздек, турнирда иштирок этаётган мамлакатимизнинг биринчи ракеткаси Денис Истомин кеча илк давра учрашувида мусобақанинг еттинчи рақамли теннисчиси босниялик Дамир Жумхурни 6:7, 6:3, 6:2 ҳисобида мағлуб этганди.
Энди ҳамюртимиз иккинчи давра баҳсини эртага Тошкент вақти билан эрталаб соат 07:00да ўтказади. Унинг рақиби америкалик Жаред Дональдсон бўлади. Теннисчилар шу кунгача икки бор тўқнаш келишган ва ҳар икки учрашувда ҳам Истоминнинг қўли баланд келган.
Таққослаш учун, Жаред Дональдсон дунё рейтингида 54-ўринни эгаллаб турибди. Денис Истомин 63-поғонадан жой олган. Кеча теннисчимиз мағлуб этган Дамир Жумхур эса ATP рейтингида 30-ўринни банд этган.
Ҳавола :
Манба : olamsport.com
Фикрлар