28 фев 09:42
Янгиликлар

Теннис

Истомин Колумбус турнирида 1/4 финалга чиқди

АҚШнинг Колумбус шаҳрида теннис бўйича "Челленжер" турнири давом этмоқда.

Ушбу мусобақада Ўзбекистоннинг биринчи ракеткаси Денис Истомин (рейтингда 165-ўрин) ҳам иштирок этяпти. Баҳсларга тўғридан-тўғри иккинчи босқичдан қўшилган ҳамюртимиз мусобақанинг чорак финалига йўл олди.

Иккинчи даврада молдовалик Александр Козбинов (811)дан устун келган Денис 1/8 финал баҳсида бразилиялик Гильерме Клезар (270)ни 6:3, 6:1 ҳисобида енгди. Бугун Истомин ярим финал чиптаси учун австралиялик Александр Вукичга қарши кортга чиқади.