07 май 08:50
Янгиликлар

Теннис

Истомин қатнашган турнирда Таро чемпион бўлди

Туркиянинг Истанбул шаҳрида теннис бўйича ATP тоифасидаги турнир якунланди.

Ҳал қилувчи финал учрашувида япониялик Даниэл Таро ҳамда тунислик Малек Жазири ўзаро тўқнаш келишди. Икки соату 22 дақиқа давом этган баҳсда дунё рейтингида 114-ўринни эгаллаб турган Кунчиқар юрт вакили 7:6(4), 6:4 ҳисобида зафар қучди.

Ушбу муваффақиятли иштирок 25 ёшли Тарога 76,020 доллар мукофот пули ҳамда 250 рейтинг очкосини тақдим этди. Istanbul Open турнирида ҳамюртимиз Денис Истомин ҳам иштирок этган ва илк даврадаёқ мағлубиятга учраган эди.