Истомин рейтингда ўзидан 161 поғона юқоридаги рақибни енгди

Мукофот жамғармаси 53 120 долларни ташкил қилувчи "Nur-Sultan Challenger 80" турнирида ҳамюртимиз Денис Истомин ҳам ўз маҳоратини намойиш этяпти. 

Ҳозиргина якунига етган иккинчи давра учрашувида ҳамюртимиз украиналик Илья Марченкони 6/4, 7/6(9) ҳисобида мағлубиятга учратди. Истомин АТР рейтингида 449, Марченко эса 288-ўринни эгаллаб турибди. Бугун теннисчилар ўзаро 8-учрашувни ўтказишди. Ҳисоб - 4:4!

Истомин - Марченко учрашуви 1 соату 53 дақиқа давом этди. Илья 7 та, Денис эса 4 та эйс зарбасини амалга оширди. Энди ҳамюртимиз турнирнинг 1/4 финал учрашувида қозоғистонлик Бейбит Жукаевга қарши кортга чиқади. 

ATP рейтингида 507-поғонада бораётган Жукаев бироз аввал 2 соату 35 дақиқа давом этган иккинчи босқич баҳсида дунёнинг 437-ракеткаси бўлиб турган исроиллик Даниэль Сукерманни 6/4, 5/7, 7/6(4) ҳисобида мағлубиятга учратди.